Vergi

Vergi dövlətin və bələdiyyələrin fəaliyyətinin maliyyə təminatı məqsədi ilə vergi ödəyicilərinin mülkiyyətində olan pul vəsaitlərinin özgəninkiləşdirilməsi şəklində dövlət büdcəsinə və yerli büdcələrə köçürülən məcburi, fərdi, əvəzsiz ödənişdir. Ölkədə alınan vergi, rüsum və tədiyələrin, həmçinin onların forma və metodlarının toplusu isə vergi sistemini əmələ gətirir.

Vergilər aşağıdakı vəzifələri yerinə yetirir:

1. Dövlət xərclərinin maliyyələşdirilməsi – fiskal vəzifə;

2. Ayrı-ayrı sosial qrupların gəlirləri arasındakı nisbətin dəyişdirilməsi yolu ilə sosial tarazlığın təmin olunması – sosial vəzifə;

3. İqtisadiyyatın dövlət tərəfindən tənzimlən­məsi – tənzimləmə vəzifəsi;

4. Vergi ödəyicilərinin maraqlandırılması – stimullaşdırma vəzifəsi.

Verginin tarixi:

Dövlətin yarandığı gündən vergilər iqtisadi münasibətlərin mühüm həlqəsini təşkil etmişdir. Müasir sivilizasiyalı cəmiyyətlərdə vergilər dövlətin gəlirlərinin əsas hissəsini təşkil edir. İlk mütəşəkkil  vergi sistemlərindən biri Qədim  Romanın  vergi sistemi hesab edilir.  Roma  vətəndaşları  öz əmlaklarına və ailə vəziyyətlərinə  görə  təqdim etdikləri ərizə əsasında  vergiyə cəlb olunurdular.  Hazırda  ərizənin  bu  formasını  bəyannamələr  təşkil edir.  E.ə. IV - III əsrlərdə  Roma  dövləti  inkişaf etdikcə  yeni koloniyalar yaranırdı  ki,  bunun da  əsasını kommunal  təsərrüfat təşkil edirdi. Roma dövlətinin maliyyə təsərrüfatının yenidən təşkili imperator Avqust Oktavianın(e.ə. 63-cü il – eramızın 14-cü ili) əsas vəzifələrindən biri idi. O bütün əyalətlərdə vergitutmanın həyata keçirilməsinə nəzarət məqsədilə maliyyə təşkilatlarını yaratdı. Onun həyata keçirdiyi islahatlar nəticəsində tribut adlı pul şəklində ödənilən ilk ümumi vergi yarandı. Roma  imperiyasında imperiyasında vergilərlə yanaşı dolayı vergilər də mövcud idi. Qədim Romada vergilər arasında ən mühümləri bunlar idi: 1%-li dövriyyə vergisi,  4%-li qul  satışından  alınan xüsusi dövriyyə vergisi, bazar qiyməti ilə qulların azad olunmasından alınan 5%-li vergi, 5%-li vərəsəlik vergisi və s.

Ölkəmizdə Vergi qanunvericiliyinə əsasən müəyyənləşdirilmiş aşağıdakı vergi növləri mövcuddur:

• Sadələşdirilmiş vergi
• Əlavə dəyər vergisi
• Torpaq vergisi
• Aksizlər
• Müəssisələrin əmlak vergisi
• Fiziki şəxslərin gəlir vergisi
• Ödəmə mənbəyindən tutulan vergi
• Bələdiyyə vergiləri
• Mədən vergisi
• Mənfəət vergisi
• Muzdlu işlə əlaqədar tutulan gəlir vergisi və məcburi dövlət sosial sığorta haqqı
• Sabit vergi
• Yol vergisi

Azər Legal Group sizə aşağıdakı istiqamətlər üzrə vergi xidmətləri təklif edir: